写卑挚爱的小猪
人气:
【字体:大 中 小】
发布时间:2008-05-22 19:31:04
亲爱的猪仔骏:
你叫我写信卑你嘎!休 闲居 编 辑
我想我要写的耶,我想写的事都已经全部写晒落本日记度,我都知你好想看嘎啦,不过暂时无可能,因为我想等我哋感情稳定D先,依家我的感觉就好似漂漂浮浮甘,吾知点解呢?
同你一起差吾多四个月啦,几乎我日日都系度数日子,点解我觉得好似同左你好耐甘,前个排,我同你一起真系好开心,我都发觉我自己已经好中意你,我吾知你系点想,但我同你一起真系好开心,每一次见你卑我感觉好浪漫,我曾经真真正正中意过三个男仔———邧弘(我的初恋),叶枫,同你,对你,我真系好认真,同你一起,我已经完全忘记叶枫呢一号人物,我知到我自己曾经系两年内点样对叶枫痴线过,就如阿may对你甘,话你听啦~我系暑假果时仲中意紧叶枫,不过,自从识左你之后,先发觉自己好傻,同你一起好free~~无同叶枫果只feel甘拘紧,当我听闻叶枫仲中意我个时,我个心好凉爽,因为当初我对他好果阵他吾珍惜,到无果时先来挽留,我希望你现在可以好好甘爱惜我。(因为我真系吾错嘎!!!)
呢几日你心情都吾系甘好,我好担心你,我从来都吾识安慰人,我真系吾知应该做D乜?我好想帮你,同你一起分享你的吾开心,同你一起分享你的坏心情,因为我系你女朋友,因为我中意你,系呢两日,我心情亦随住你的心情变坏,我好担心你,而你卑我的感觉就好似就来散甘,我好惊,又吾知点算好啵,打个电话卑你,换来的系沉默,你果时问我系米喊紧,我答吾系,赖艳丹又点会甘易喊嘎!查实果时我D眼水系甘落,我都吾知点解,我个心好难受,有人曾经讲过,中意一个人,会因为他的情绪变化而变化,我觉得系咯!!
我好介意你依家同阿may甘样吾知点甘,我吾理你哋以前点样中意对方,,你哋发生过D乜耶事,我听过就算,因为依家系我同你一起,但假如到依家你哋仲系甘样,她成晚拖住你手问你仲有无机,我真系好噎醋,我根本无办法容忍到她甘做,她中意你系她的自由,我理都理吾到,但你系我男朋友,我仲要当无事发生甘卑第二个甘拖住你只手,甘我就真系变态啦!如果阿may真系好中意你,我可以退出,我想我爱的那个人幸福,阿may就真系好我千百倍,她比我识得去点锡你,点样开解你吾开心果时的烦恼,她又识煮饭做家务,人又靓,我一样都比吾上她,但我同她一样甘中意你,今晚,听你甘提阿may对你点,又呢又路,我好憎她,她应该好清楚甘明白到你已经有女朋友,仲要拖你,话要锡你,仲要问你同她有无机~~刹时间我觉得她好黑人憎,好似系度拆散紧我同你,我吾系一个大量的人,我有女人天生的妒忌,有一呈醋摆系我心度。
假如我哋真系大家都中意对方,应该会系打风都打吾甩的一对,但吾知点解,我个心入边始终无安全感,每当我哋最开心,最幸福果时,我会想,我哋系米好快就会散,因为呢两日问题,我越来越觉得越无安全感。
因为好耐,真系好耐都无同你倾过计,我有好多耶都想讲,但都吾知点讲。系同你呢段日子以来,我同你一起好开心,好甜蜜,我已经完全放开自己去中意你,可能到期时我会好伤,但我认为值得。
傻丹上
≡ 查看、发表评论 ≡